Kane kontserti men Quryltaı: «Qaırat» oıyndarynyń ýaqyty men alańy taǵy ózgerdi
ALMATY. KAZINFORM – «Qaırat» fýtbol klýby Premer-lıgada óz alańynda ótetin aldaǵy úsh matchtyń alańy men merzimi ózgergenin habarlady.
Bul ózgeris Ortalyq stadıonda Kane Ýest kontsertiniń ótkizilýine, sondaı-aq nysanda júrgiziletin keıingi tehnıkalyq jumysqa baılanysty qabyldanǵan. Premer-lıganyń 21-týry aıasynda 8 tamyzǵa josparlanǵan «Qaırat» — «Jeńis» matchy basqa kúnge aýystyryldy.
Al el birinshiliginiń 9-týry aıasynda 15 tamyzǵa josparlanǵan «Qaırat» — «Ulytaý» matchy T.S.Segizbaev atyndaǵy «Qaırat» FK Akademııasynyń alańynda ótedi.
Qazaqstan chempıonatynyń 23-týry aıasynda 22 tamyzǵa josparlanǵan «Qaırat» — «Ertis» matchy Quryltaı saılaýyn ótkizýge baılanysty basqa kúnge aýystyrylǵan. Oıyn ótkiziletin jańa kún týraly qosymsha habarlanady.
Eske salaıyq, Kane Ýest kontsertine baılanysty ÝEF Chempıondar lıgasynyń úshinshi irikteýi kezeń aıasyndaǵy «Qaırattyń» óz alańyndaǵy oıyny Túrkistanda ótedi.
«Qaırat» búgin Chempıondar lıgasynda «Levskımen» Sofııada alǵashqy oıynyn ótkizedi.
