Kane kontserti Almatyǵa 5 mlrd teńge paıda ákeldi

Almaty qalasy týrızm basqarmasynyń málimetinshe, aýqymdy kontsertke baılanysty stadıonda 31 myń kórermen jınaldy. Oǵan 50-den astam elden shamamen 7 700 týrıst kelgen. Olardyń 2 myńǵa jýyǵy kontsertke arnaıy kelgen sheteldik jankúıerler.

Sondaı-aq vedomstvo 13–16 tamyz aralyǵynda Almatydaǵy qonaqúıler men ornalastyrý oryndary orta eseppen 98%-ǵa tolǵanyn atap ótti. Týrıster aǵynynyń ekonomıkalyq áseri shamamen 5 mlrd teńgege baǵalanǵan.

- YE kontserti Almatydaǵy týrızm úshin osy jyldyń mańyzdy sharalarynyń birine aınaldy. Kontsert kúnderi ornalastyrý oryndaryna suranystyń aıtarlyqtaı artýy halyqaralyq is-sharalardyń qaladaǵy týrıstik belsendilikti arttyrýǵa yqpal etetinin kórsetti. Mundaı aýqymdy jobalar Almatynyń halyqaralyq deńgeıdegi is-sharalardy ótkizýge áleýeti joǵary ekenin dáleldeıdi, – dedi týrızm basqarmasynyń basshysy Ǵalııa Toqseıitova.

Eske salaıyq, bastapqyda álemdik juldyzdyń shoýy 14 tamyzǵa josparlandy. Alaıda qaýipsizdik maqsatynda Kane Ýest kontserti bir kúnge shegerildi.