Qandyqol qylmyskerler óz qurbanyn habarlandyrý arqyly tańdaǵan
ASTANA. Qańtardyń 27-si. QazAqparat /Arman Asqarov/ - Almaty qalasynda «Toıota Land Krýzer» avtomashınasynyń júrgizýshisine pyshaq jaraqatyn salyp, kólikti ıemdenýge áreket jasaǵan qylmyskerdiń bireýi ustaldy.
Bul týraly búgingi brıfıng barysynda QR ІІM Til saıasaty jáne aqparat departamentiniń bastyǵy Qaýnyshbek Jumanov habarlady, dep habarlaıdy QazAqparat.
Onyń málimeti boıynsha, qańtardyń 20-sy kúni Almaty qalasynda «Toıota Land Krýzer» avtomashınasyna mingen eki jolaýshy kólik júrgizýshisin býyndyryp, pyshaq jaraqatyn salý arqyly kólik quralyn ıemdenýge áreket jasaǵan. Jábir kórgen kólik júrgizýshisi avtomashınadan qashyp, kómekke shaqyryp úlgergen. «Boran» avtopatrýliniń polıtseıleri shabýyl jasaǵandardyń bireýin ustady. Onyń Almaty oblysynyń 27 jastaǵy turǵyny ekeni anyqtaldy. Qylmyskerdiń sybaılasyn ustaý boıynsha is-sharalar júrgizilýde. Sondaı-aq qylmyskerlerdiń gazetten avtomashınany satý týraly habarlandyrýdy oqyp, qylmys qurbanyn tańdaǵany anyqtalyp otyr», - deıdi Q.Jumanov.
