«Qandyaǵash-Maqat» tas jolyndaǵy jol jumystary jyl sońyna deıin aıaqtalady

NUR-SULTAN. QazAqparat - Aǵymdaǵy jyldyń ekinshi jartysynda jolshylar Aqtóbe men Atyraý oblystaryn baılanystyratyn respýblıkalyq mańyzy bar «Qandyaǵash-Maqat» avtomobıl jolyn rekonstrýktsııalaýdy aıaqtaýdy josparlap otyr, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Atalǵan jol ótken ǵasyrdyń 60 jyldarynda salynǵan bolatyn. 50 jyldan astam ýaqyt boıy munda tek aǵymdaǵy jóndeý jumystary júrgizilip kelgen. Sondyqtan sońǵy ýaqytta avtokólik júrgizýshileri tas jol boıyndaǵy aýyl arasyndaǵy joldarmen júrýge májbúr boldy.

Avtomobıl joldaryn qaıta qurylymdaý jobasy jalpy uzyndyǵy 304 shaqyrym bolatyn jeti ýchaskeni, sondaı-aq temirjol arqyly 11 kópir men eki jol ótpesin salýdy qamtıdy.

Rekonstrýktsııa jumystary bastalǵanǵa deıin Qandyaǵashtan Maqat aýylyna deıingi jol ýaqyty kem degende 11-12 saǵatty, al Atyraý qalasyna deıin 14 saǵatty quraǵanyn aıta ketý kerek. Jumystar aıaqtalǵannan keıin Qandyaǵashtan Maqatqa deıingi júrý ýaqyty shamamen 4 saǵatty, al Atyraýǵa deıin 6 saǵatty quraıtyn bolady.

Bas merdigerler: «Todını», «Shanhaı Konstrakshn», «Akkord» BK / «Aq jol qurylys» jáne «Ant Inshaat».

Bıyl uıymdarǵa 1 353 myń tonna asfaltbeton tóseý qajet. Búginge deıin sonyń 1008 myń tonna tóseldi.

Jobany iske asyrýǵa shamamen 1000 adam men 680-nen astam tehnıka jumyldyrylǵan.

Budan bólek, joba aıasynda Atyraý oblysy Maqat aýdanynyń Dossor aýylyna aınalma jol salynýda.

Bul Dossor turǵyndary úshin qaýipsiz jaǵdaı jasaıdy.

Jalpy, jobany iske asyrý kólikke qol jetimdilikti arttyrady, sondaı-aq, jol boıyndaǵy qyzmet kórsetý nysandaryn damytý jáne demalys oryndaryn uıymdastyrý arqyly jergilikti halyqtyń kásipkerlik qyzmetine oń áser etedi.