Qandy qyrǵyn: GGG men Kanelonyń kezekti promorolıgi jarııalandy

ASTANA. QazAqparat - Atalǵan jekpe-jek aǵymdaǵy jyly 16 qyrkúıekte AQSh-tyń Las-Vegas qalasynda ótedi. Ýaqyt aıyrmashylyǵyna baılanysty boks keshiniń tikeleı translıatsııasy Qazaqstanda 17 qyrkúıekte tańerteń kórsetiledi, dep xabarlaıdy QazAqparat tilshisi.

Aıta ketken jón, kásibı bokstyń jankúıerleri bul jekpe-jekti kópten beri kútip júr. Sebebi Golovkın de, Alvares te myqty pancher ári naǵyz orta salmaqtyń sheberleri bolyp sanalady. Eki jaq ta ol jekpe-jekti trılogııaǵa ulasatynyn joqqa shyǵarmaıdy. Alaıda kelisimshartqa sáıkes, meksıkalyq boksshy utylsa, GGG-den revanshty talap ete alady. Golovkınde ondaı múmkindik joq. Alvares barlyq belbeýlerdi alyp, basqa boksshylarmen kezdesýi ábden múmkin.

Buǵan deıin Golovkın London, Nıý-Iork men Los-Anjeles qalalarynda ótken press-týrdyń vıdeosyn jarııalaǵan bolatyn .  Budan bólek, Golovkın Meksıkanyń ózinde jankúıerleriniń az emes ekenin kórsetti .