Kandıdattardyń salyq málimetterindegi qaıshylyqtar nege saılaý kúni jaqyndaǵan kezde ǵana anyqtalyp jatyr
«Kandıdattardyń salyq deklaratsııasyndaǵy sáıkessizdikterdi tirkeý kezinde anyqtap, eskertýge ne kedergi? Nelikten kandıdat tirkeýden ótip, úgit-nasıhat kezeńine jiberilgennen keıin ǵana salyq derekteri tekserilip, úmitkerlikten shyǵarylady?», - dep surady BAQ ókili Ortalyq saılaý komıssııasynyń múshelerinen.
Asylbek Smaǵulovtyń aıtýynsha, qazir qoǵam tarapynan osy mándes suraqtar jıi túsip jatqan kórinedi.
«Bireý biledi, bireý bilmeıdi, bizdiń aıtarymyz mynaý: Bizge kelip túsetin, okrýgtik saılaý komıssııasynan keletin málimet – tek anyqtama. Biz sol anyqtama boıynsha sheshim qabyldaımyz. Ári qaraı olar bergen málimettiń tolyqtyǵyn, durystyǵyn tekseretin – salyq organdary. ıAǵnı salyq organdary ol jerde azamattar derekterin durys kórsetpese, durys emes ekeni týraly málimet beredi», - dedi OSK múshesi.
Onyń aıtýynsha, bul másele Saılaý týraly Konstıtýtsııalyq zańnyń 89-babymen retteledi.
«ıAǵnı ol bizdegi Saılaý týraly Konstıtýtsııalyq zańnyń 89-baby boıynsha kandıdattardyń ózderiniń derekterin durys bermeýi nemese qatelesýi, taǵy basqalary ol kisini tirkeýden qaıtadan alyp tastaýǵa quqyq beredi. Sondyqtan biz anyqtamadan basqa eshteńe kóre almaımyz», - dedi Asylbek Smaǵulov.
Sondaı-aq, OSK atalmysh televızııalyq pikirsaıysqa qatysýshylardyń tizimin maquldady.
