Kandıdattardy tańdaýda genderlik aspektini eskerýge tyrystyq - E.Toǵjanov

ASTANA. QazAqparat - Qazaqstan halqy Assambleıasynyń atynan QR Parlamenti depýtattyǵyna úmitkerler tiziminde eki kandıdat áıel bar. Bul týraly búgin Ortalyq kommýnıkatsııalyq qyzmetinde ótken brıfıngte QHA Tóraǵasynyń Birinshi orynbasary Eraly Toǵjanov málim etti.

«Qazaqstan halqy Assambleıasynan eki áıel: Natalıa Jumadildaeva men Narıne Mıkaelıan QR Parlamenti Májilisiniń depýtattyǵyna úmitker retinde usynylyp otyr. Narıne ekinshi jaǵynan jastar qanatymen aınalysatyn bolady. Keńes barysynda osy eki azamatshany arnaıy usyndyq. Bul - mindetti túrde bolýy kerek degen bizdiń krıterııimiz, aldyna qoıylǵan talaptardyń biri de sol. Bir jaǵynan etnıkalyq, ekinshi jaǵynan jastar, endi negizgi másele bul - genderlik aspektiniń eskerilýi.Sheshim osylaı qabyldandy. Keńes jumysy boıynsha talqylandy. Sondyqtan bizde depýtattardy usyný praktıkamyzda osy jumystardyń barlyǵy negizge alynyp, ary qaraı iske asyrylady dep oılaımyz», - dep atap ótti ol.

Eske sala ketsek, búgin Qazaqstan Respýblıkasynyń Memlekettik hatshysy Gúlshara Əbdiqalyqovanyń tóraǵalyǵymen Qazaqstan halqy Assambleıasy Keńesiniń otyrysy ótti.

Onda QHA keńesi Məjilis depýtattyǵyna Assambleıa saılaıtyn toǵyz adamnyń kandıdatýrasyn bekitti.

Olardyń ishinde V shaqyrylymdaǵy Parlament Məjilisiniń depýtaty Roman Kım, V shaqyrylymdaǵy Parlament Məjilisiniń depýtaty Ahmet Mýradov, V shaqyrylymdaǵy Parlament Məjilisiniń depýtaty ıÝrıı Tımoşenko, «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, QR Іshki ister mınıstriniń orynbasary Vladımır Bojko, Respýblıkalyq uıǵyr etnomədenı ortalyǵynyń tóraǵasy Shaımardan Nurymov, Duńǵan etnomədenı ortalyǵy qaýymdastyǵynyń basqarma múshesi Shakır Hahazov, Qyzylorda qalasyndaǵy jasóspirimder men oqýshylar úıiniń dırektory, Qyzylorda oblysy analar keńesiniń tóraǵasy Natalıa Jumadildaeva, Almatydaǵy armıan mədenı ortalyǵynyń tóraǵasy Narıne Mıkaelıan bar.