Kandıdat Nurlan Áýesbaev Aqmol aýylyndaǵy saılaýshylarmen kezdesti

ASTANA. QazAqparat - Prezıdenttikke kandıdat Nurlan Áýesbaev Aqmola oblysy Tselınograd aýdany Aqmol aýylyna baryp, saılaýshylarmen kezdesti. Bul týraly kandıdat óziniń áleýmettik jelidegi paraqshasynda jazdy, dep habarlaıdy QazAqparat.

Kezdesý barysynda kandıdat óz baǵdarlamasy týraly aıtyp, halyqtyń suraqtaryna jaýap berdi.

Buǵan deıin Jalpyulttyq sotsıal-demokratııalyq partııa atynan prezıdenttikke kandıdat Nurlan Áýesbaev Aqtóbedegi problemalyq turǵyn úı alaptary boıynsha reıdke qatysqanyn habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.