Kandıdat M.Eleýsizov Bostandyq aýdany turǵyndarymen kezdesýde PIK-terdiń problemalaryn talqylady - Almaty
ALMATY. 12 naýryz. QazAqparat - Elimizdegi árbir úshinshi úı jóndeý jumystaryna muqtaj. Bul týraly senbi kúni Almatyda Bostandyq aýdanynyń turǵyndarymen jáne PIK ókilderimen bolǵan kezdesýde QR Prezıdenttigine kandıdat,
«Tabıǵat» ekologııalyq odaǵynyń tóraǵasy Mels Eleýsizov málim etti.
Kezdesýde atap kórsetilgendeı, turǵyn úı qorynyń 2 paıyzy apatty jaǵdaıda turǵan úıler, olardyń bári súrilip tastaýy kerek. Qazirdiń ózinde ondaı úılerdegi jylý energııasynyń shyǵyny orta eseppen -35 paıyzǵa, sýdyń shyǵyny - 32 paıyzǵa jetip otyr. Kommýnaldyq ınfraqurylymdardyń 70 paıyzy qazirgi tańda ábden eskirgen jáne kúrdeli jóndeýge muqtaj.
Ótip jatqan kezdesýdiń basty maqsaty - turǵyn úı-kommýnaldyq sharýashylyqtyń problemalaryn talqylaý ekenin atap kórsetken M.Eleýsizov, 2011 jyldyń 1 qańtarynda kúshine engen Turǵyn úı-kommýnaldyq sharýashylyqty jańartý baǵdarlamasy kommýnaldyq jáne turǵyn úı sharýashylyǵyndaǵy problemalardy sheshýge arnalǵanyn eske saldy.
