Kandıdat Djeı Dı Vens Amerıkany qaıtadan uly elge aınaldyrý úshin Tramppen birge jumys isteýge ýáde berdi
ASTANA. KAZINFORM — Ogaıo shtatynyń senatory Djeı Dı Vens Respýblıkalyq partııanyń ulttyq quryltaıynda AQSh-tyń vıtse-prezıdenttigine kandıdatýrasyn resmı túrde jarııalady. Alǵashqy sózinde ol Tramppen birge «Amerıkany qaıtadan uly el etýge ýáde berdi», - dep jazady Euronews.
Ogaıo shtatynyń 39 jastaǵy senatory eldiń sheteldik jumys kúshi men energetıkaǵa táýeldiligin toqtatyp, áskerı kómekti kúrdeli jóndeýge ýáde berdi.
«Biz birge odaqtastarymyzdyń búkil álem boıynsha beıbitshilikti qamtamasyz etý aýyrtpalyǵyn bólisetinine talpynamyz. Amerıkandyq salyq tóleýshilerdiń jomarttyǵyn teris paıdalanatyn elder úshin endi eshteńe tegin bolmaıdy», - dedi Djeı Dı Vens.
Demokrattar tamyz aıynyń basynda vıtse-prezıdenttik pen prezıdenttikke kandıdattardyń tizimin resmı túrde jarııalaıdy.
