Qandyaǵashtaǵy jappaı ýlaný: Qylmystyq is qysqartyldy
AQTÓBE. KAZINFORM — Qylmystyq is «Sanıtarııalyq qaǵıdalardy nemese gıgıenalyq normatıvterdi buzý» baby boıynsha qozǵalyp, tergeý júrdi. Polıtsııa iske raqymshylyq jasaý aktisi qoldanylǵanyn habarlady.
Oqıǵa bıyl maýsym aıynda tirkeldi. Muǵaljar aýdandyq aýrýhanasy men oblystyq klınıkalyq juqpaly aýrýlar aýrýhanasyna ishek ınfektsııasynyń belgilerimen 102 naýqas medıtsınalyq kómekke júginip, aýrýhanaǵa jatqyzyldy. Jappaı astan ýlaný faktisine qatysty QR Qylmystyq kodeksiniń 304-baby («Sanıtarııalyq qaǵıdalardy nemese gıgıenalyq normatıvterdi buzý») belgilerimen sotqa deıingi tergep-tekserý júrdi. Polıtsııa arada birneshe aı ótkende istiń qysqartylǵanyn habarlady.
— Tergep-tekserý barysynda meıramhana basshylyǵy men jeke kásipker qylmystyq quqyq buzýshylyq jasaǵanyn moıyndady. Alaıda raqymshylyq jasaý týraly akti qoldanylyp, qylmystyq is toqtatyldy, — dep habarlady Aqtóbe oblystyq PD baspasóz qyzmeti.
Aıta keteıik, tekserý kezinde meıramhanada sanıtarııalyq-epıdemıologııalyq, azyq-túlikti saqtaý talaptary saqtalmaǵany anyqtaldy. Jumysshylary — stafılokokk ınfektsııasy bakterııasyn tasymaldaýshy.
