Qandaı jasóspirimderdiń uıqysyzdyqqa shaldyǵatyny anyqtaldy
ASTANA. QazAqparat - Taıaýdaǵy shetel ǵalymdarynyń zertteýi keshki ýaqytta belsendi bolatyn jasóspirimder uıqysyzdyq pen depressııaǵa jıi shaldyǵatynyn kórsetti, dep jazady sheteldik BAQ.
Zertteý barysynda 8-12 jas aralyǵyndaǵy 300-den astam avstralııalyq mektep oqýshysynan saýalanama alyndy. Jasóspirimderden olardyń qansha ýaqyt uıyqtaıtyny, psıhıkalyq saýlyǵy men olardyń basqa kezge qaraǵanda áldeqaıda belsendi bolatyn ýaqyty suraldy. Zertteýshiler balań jasynda uıqysyzdyqtyń bolýy depressııa, mazasyzdyq jáne kúızelispen baılanysty ekenin anyqtaǵan, dep habarlady Times of India.
Kóptegen elderde 13-ten 16 jasqa deıingi jasóspirimderdiń 11 paıyzy uıqysyzdyqqa shaldyqqan. Uıqysyzdyq mazasyzdyqpen birge depressııany da tereńdetedi. «Saldarynan, mysalǵa, jasóspirim shaǵynda ishimdik pen esirtkige áýes bolýy múmkin», - deıdi Adelaıda ýnıversıtetiniń zertteýshisi Paskýale Alvaro.
