Qandaı jaǵdaıda sot otyrystary tikeleı efırden kórsetiledi

ASTANA. KAZINFORM – QR Ádilet mınıstrliginiń resmı ókili Talǵat Ýálı qandaı jaǵdaıda sot otyrystarynan tikeleı translıatsııa jasalatynyn túsindirdi.

«Іs júzinde bul másele Ádilet mınıstrliginiń quzyryna kirmeıdi. Biraq, sońǵy tájirıbege súıensek, mundaı translıatsııalar qoǵam tarapynan oń baǵasyn aldy», - dep jaýap berdi Talǵat Ýálı tilshiler suraǵyna.

Bul rette resmı ókil tikeleı translıatsııa úshin taraptardyń kelisimi qajet ekenin atap ótti. 

«Bul jaǵdaıda taraptardyń múddeleri eskeriledi, eger taraptar translıatsııaǵa ruqsat berse, osy jaǵdaıda ǵana sýdıa tikeleı efırde kórsetýge nemese buqaralyq aqparat quraldaryn kirgizýge quqyly. Bul tájirıbe shetelde keńinen qoldanylady. Qazaqstanda keıingi ýaqytta Almatydaǵy avtobýs apaty jáne Q. Bıshimbaev isi ınternet-resýrstar arqyly kórsetildi. Eger taraptar qarsy bolmasa, bul tájirıbe durys dep sanaımyn», - deıdi T. Ýálı. 

Eske salsaq, buǵan deıin elimizde sot saraptamasynyń jańa túri paıda bolǵanyn habarlaǵan bolatynbyz.