Qandaı jaǵdaıda referendým ótpedi dep eseptelinedi

ASTANA. KAZINFORM — Ortalyq referendým komıssııasynyń tóraǵasy Nurlan Ábdirov qandaı jaǵdaıda referendým ótpedi dep eseptelinetinin aıtty. 

— Bári zańda kórsetilgen, Konstıtýtsııada da bar. Negizi Konstıtýtsııa normasyna súıenetin bolsaq, tizimdegi saılaýshylardyń 50 paıyzdan astamy referendýmǵa qatysýy kerek jáne ol Konstıtýtsııa mátinine qatysty bolǵannan keıin qosymsha talap ta bar. Respýblıkadaǵy óńirlerdiń keminde úshten ekisinde 50 paıyzdan astam qatysýshy kelýi tıis. Sonymen qatar daýys berýshilerdiń 50 paıyzdan astamy qoldaýy kerek. Eger ondaı bolmaıtyn bolsa, onda referendým ótpedi, halyq qoldamady dep eseptelinedi, — dedi Nurlan Ábdirov.

Aıta keteıik, referendým ótkizýge úgit kezinde Qazaqstan zańnamasyn buzýdyń 54 deregi anyqtaldy.