Qandaı jaǵdaıda muǵalimderdi senbilikke shyǵarýǵa bolady – mınıstr
ASTANA. KAZINFORM – Oqý-aǵartý mınıstri Ǵanı Beısembaev pedagog mártebesi men quqyqtaryn qorǵaý sharalary týraly pikir bildirdi.
Mınıstrdiń aıtýynsha, 2019 jylmen salystyrǵanda muǵalimderdi artyq jumysqa tartý boıynsha kóptegen kemshilik azaıǵany baıqalady.
«Byltyr senbilikke shyǵarý máselesi týraly muǵalimder kóp shaǵymdandy. Bul mektep aýlasy bolsa, basqa áńgime, óıtkeni balalardy eńbekke baýlýymyz kerek, ony muǵalimder jeke ózi úlgi etip kórsetýi kerek. Baıqasańyzdar men de mektep aýlasyna aǵash egemin, bul óte úlgili nárse. Biraq mektepten tys, mektepke qatysy joq jerlerge tartý – muǵalimdi negizgi fýnktsııasynan alańdatady. Muǵalimniń basty mindeti – balalarǵa sapaly bilim men sanaly tárıbe berý, odan basqasyna alańdata berýdiń qajeti joq», - dedi Oqý-aǵartý mınıstri Ǵanı Beısembaev Májilis kýlýarynda.
Aıta keteıik, «Pedagog mártebesi týraly» zań qabyldanǵanyna 5 jylǵa jýyqtady. Buǵan deıin Kazinform agenttigi aýqymdy reforma áseri týraly arnaıy sholý ázirlegen edi.