Qandaı óńirlerde ken oryndaryn ashýǵa bolady - mınıstr jaýaby

NUR-SULTAN. QazAqparat - Ekologııa, geologııa jáne tabıǵı resýrstar mınıstri Maǵzum Myrzaǵalıev Qazaqstannyń qaı óńirinde qandaı ken oryndaryn ashýǵa bolatynyn aıtyp berdi, dep habarlaıdy QazAqparat tilshisi.

«Qazaqstanda jańa ken oryndaryn ashýǵa bolatyndaı mol múmkindik bar. Máselen, Aqmola men Qostanaı oblysynda, sonymen birge eldiń ortalyq, shyǵys jáne ońtústik óńirlerinde altyn óndiretin oryndardy ashýǵa bolatyndaı áleýet anyqtaldy. Sonymen qatar Ortalyq, Ońtústik Qazaqstan men Kendi Altaıda, Reseı men Qytaı shekarasynda qorǵasyn, myrysh ken oryndaryn ashýǵa mol múmkindik bar», - dedi Maǵzum Myrzaǵalıev búgin Ortalyq kommýnıkatsııalar qyzmetinde ótken halyqqa onlaın esep berý barysynda.

Mınıstr sonymen qatar el aýmaǵynda volfram, molıbden, alıýmınıı, qalaıy óndirisi boıynsha ken oryndaryn ashýǵa bolatynyn málim etti.