Qandaı óńirlerde aýaǵa zııandy qaldyqtar kóp shyǵarylady
NUR-SULTAN. QazAqparat – Qazaqstanda statsıonarlyq kózderden atmosferalyq aýaǵa shyǵarylatyn lastaýshy zattar qaldyqtarynyń kólemi 2020 jyly 2,4 mln tonnany qurady. Bul, 2019 jylmen salystyrǵanda 1,7 paıyz az, dep habarlaıdy QazAqparat.
Qaldyqtar kólemi sońǵy bes jylda birinshi ret azaıǵan. Buǵan deıin kórsetkish 2015 jyly 3,4 paıyzǵa azaıǵan bolatyn.
100-den astam eldegi aýa sapasyn salystyrǵan IQAir zertteýine sáıkes, 2020 jyly 2019 jylmen salystyrǵanda sapa elderdiń 84 paıyzynda jaqsarǵan. Alaıda 2021 jyly lastaýshy zattar deńgeıi qaıta artýy ábden múmkin.
2020 jyly tazartý qurylystary qaldyqtar kóleminiń 93,1% aýlap, zııansyzdandyrdy. Al 2019 jyly bul kórsetkish 93,2% boldy.
Negizgi lastaýshy zattar: kúkirtti angıdrıd — 868,1 myń tonna (jylyna −2%);
• kómirsýtek totyǵy — 486,5 myń tonna (jylyna −0,3%);
• azot totyǵy — 311,4 myń tonna (jylyna −0,8%).
Qalǵan lastaýshy zattar 775 myń tonna (jylyna −2,6%).
Qazaqstan óńirleri arasynda atmosferalyq aýaǵa túsken zııandy zattardyń jartysynan kóbi Pavlodar oblysy (723 myń tonna) men Qaraǵandy oblysyna (627,7 myń tonna) tıesili.
Aýada lastaýshy qaldyqtardyń aıtarlyqtaı kólemi sondaı-aq Atyraý oblysy (154 myń tonna), Aqtóbe oblysy (135,1 myń tonna), Shyǵys Qazaqstan oblysy (127,2 myń tonna) jáne Qostanaı oblysynda (123,4 myń tonna) tirkelgen.
