Qandaı memorgan mekenjaı anyqtamasyn talap ete alady

NUR-SULTAN. QazAqparat – Endi eshbir memlekettik organ nemese jeke jumys berýshi azamattardan mekenjaı anyqtamasyn talap ete almaıdy, dep habarlaıdy QazAqparat tilshisi.

«Búgin halyqqa mekenjaı anyqtamasy qandaı jaǵdaıda talap etiletinin túsindirý úshin jınalyp otyrmyz. Eger memlekettik organ týraly aıtar bolsaq, ortalyq memlekettik organdar nemese oblystyq, aýdandyq bólimsheler deńgeıinde bul málimetter (mekenjaı anyqtamasy- avt) qoljetimdi. Jumys berýshi mundaı jaǵdaıda jumysqa turǵysy kelgen azamattan mekenjaı anyqtamasyn talap ete almaıdy. Eger másele jeke tulǵada bolsa, eshbir eńbek zańnamasynda mekenjaı anyqtamasyn alyp kelý týraly talap joq. ıAǵnı, bul jerde másele azamattyń jumysqa turar kezde óziniń qaıda turatynyn naqty jazyp bere alýymen shekteledi», dedi QR ІІM Kóshi-qon qyzmeti komıteti tóraǵasynyń orynbasary Galına Sársenova Úkimettiń baspasóz ortalyǵyndaǵy brıfıngte.

Áriptesiniń sózin QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov ta rastady.

«Mekenjaı anyqtamasyn memlekettik deńgeıde alynyp tastaldy. ıAǵnı, barlyq jumys berýshiler azamattardy jumysqa alý tártipterin qaıta qaraýy kerek», - dedi ol.

Eske sala ketsek, buǵan deıin «Azamattarǵa arnalǵan úkimet» memlekettik korporatsııa basqarmasynyń tóraǵasy Ásemgúl Baltasheva elimizde mekenjaı anyqtamasy 1 qarashadn bastap joıylatynyn málim etken edi.