Qandaı mamandyqtar joıylady — Eńbek mınıstri málimdeme jasady
ASTANA. KAZINFORM — Úkimet otyrysynda Eńbek jáne halyqty áleýmettik qorǵaý mınıstri Asqarbek Ertaev Qazaqstanda suranys joǵary salalar jáne keleshekte qandaı mamandyqtar joıylyp ketetini jóninde málimdeme jasady.
— Eń joǵary suranys ónerkásipte, qurylysta, aýyl sharýashylyǵynda jáne IT salasynda qalyptasqan. Suranysqa ıe kásipterdiń tizbesi 51-den 174 kásipke deıin jańartylyp jatyr. Olar — ınjenerııa, qurylys, óndeý ónerkásibi, bıotehnologııa, jasyl jáne ıadrolyq energetıka, — dedi mınıstr.
Sonymen qatar, mınıstrdiń sózinshe, tehnologııalar men jasandy ıntellekt eńbek naryǵyn barynsha ózgertip jatyr. Tipti, keıbir mamandyq joıylady dep boljanyp otyr. Mysal retinde mátindi óńdeýshi, terýshi, derekterdi engizý jónindegi qyzmet, korrektor tárizdi mamandyqtardy ataýǵa bolady.
— Kásipterdiń basym bóligi transformatsııalanady. Qyzmettiń múlde jańa baǵyttary paıda bolady. Bul jaǵdaılarda kadrlar daıarlaý júıesi ozyq qarqynmen jumys isteıdi. Ekonomıka salalarynda perspektıvti mamandyqtar aldyn ala aıqyndalyp, biliktilikter men bilim berý baǵdarlamalary jedel jańartylady, — dedi Asqarbek Ertaev.
Aıta keteıik, buǵan deıin 2035 jylǵa deıin ekonomıkaǵa taǵy 2,9 mln kadr qajet bolatynyn jazǵanbyz.
