Qandaı kommýnaldyq qyzmetterge baǵany kóterýge moratorıı engizildi
ASTANA. KAZINFORM – Bıylǵy 16 qazannan bastap barlyq tutynýshy toby úshin kommýnaldyq qyzmetter tarıfterin kóterý 2026 jyldyń І toqsanynyń sońyna deıin toqtatylady.
Tarıfterdiń ósýin tejeý tabıǵı monopolııalar sýbektileriniń operatsııalyq shyǵystaryn ońtaılandyrý esebinen qamtamasyz etiledi. Bul rette TKSh júıesi nysandarynda josparlanǵan barlyq jóndeý jumysy belgilengen merzimde aıaqtalýy tıis.
Aıta ketý kerek, halyqtyń áleýmettik jaǵynan osal toptary úshin turǵyn úı kómegin kórsetý tetigi qoldanylady.
— Memleket basshysynyń tapsyrmasy boıynsha Úkimet halyqtyń turmys sapasyn arttyrýǵa, ekonomıkany jaqsartýǵa baǵyttalǵan sharalar keshenin ázirledi. Birinshi kezekte 2026 jyldyń birinshi toqsanynyń sońyna deıin tarıfterdiń ósýin tejeý máselesi qozǵalady. Biz elektrmen, jylýmen jabdyqtaý, sýmen, káriz jáne gazben jabdyqtaý sııaqty kommýnaldyq qyzmetter týraly aıtyp otyrmyz. Bul ómirlik mańyzdy salalar. Osy oraıda biz atalǵan qyzmetterdiń tıisti sapasyn, barlyq ınvestıtsııalyq is-sharalardyń oryndalýyn jáne TKSh ınfraqurylymynyń turaqty, úzdiksiz jumysyn qamtamasyz etemiz, — dedi ulttyq ekonomıka vıtse-mınıstri Asan Darbaev.
Aıta ketelik Prezıdent Bektenovke Úkimettiń ekonomıkalyq baǵdarlamasyn iske asyrýǵa qatysty tapsyrma bergen edi.