Qandaı el ári naqty qandaı muraǵat ortalyǵy qyzyǵýshylyq týyndatatynyn anyqtaý kerek - M.Tájın

ASTANA. 25 qyrkúıek. QazAqparat - Qandaı el ári naqty qandaı muraǵat ortalyǵy qyzyǵýshylyq týyndatatynyn anyqtaý kerek. Búgin Aqordada ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda QR Memlekettik hatshysy Marat Tájın osylaı dedi.

«Qazaqstandyq ǵalymdardyń qujattardy zertteý salasyn keńeıtip, sheteldiń muraǵat ortalyqtarynda zertteýlerdi jalǵastyrý qajettigin erekshe nazarǵa alý qajet. Qandaı el ári naqty qandaı muraǵat ortalyǵy qyzyǵýshylyq týyndatatynyn anyqtaý kerek», - dedi ol. Sonymen qatar M. Tájınniń atap ótýinshe, basty mindet alynǵan materıaldardy júıeli óńdeý, baıytý ári sapaly saraptama júrgizý bolýy tıis. «Buǵan taıaýda qosylǵan zertteý ortalyqtarynyń resýrstaryn barynsha qosý qajet. Bul atalǵan baǵdarlamany júzege asyrý konteksindegi olardyń jumystaryn shoǵyrlandyrýǵa múmkindik beredi», - dep atap ótti Memlekettik hatshy.