Qandaı derti bar adamdar sanatorıı men kýrortqa jiberilmeıdi

ASTANA. QazAqparat – Sanatorııler men kýrorttarǵa em alýǵa jiberilmeıtin arýlardyń tizimi bekitilmek. Bul týraly «Ashyq» NQA portalynda jarııalanǵan Densaýlyq saqtaý men Eńbek jáne halyqty áleýmettik qorǵaý mınıstriniń birlesken buıryǵynda jazylǵan, dep habarlaıdy QazAqparat tilshisi.

Jańa ózgeriske saı, endi myna dertteri bar adamdar sanatorıı jáne kýrorttarǵa jiberilmeıdi:

- ІІІ dárejeli dıstrofııa dıagnozy qoıylǵandar;

- júrektiń aýyr dertteri men III dárejeli jáne odan joǵary tynys alý fýnktsııasynyń buzylysy bar adamdar;

- ýlaný, ártúrli irińdi aýrýlary bar naýqastar;

- dekompensatsııa satysyndaǵy aýrýlar, atap aıtqanda túzetilmeıtin metabolıkalyq aýrýlar (qant dıabeti, mıksedema, tıreotoksıkoz), baýyrdyń, uıqy beziniń ІІІ dárejeli fýnktsııalyq jetkiliksizdigi;

- teriniń irińdi aýrýlary, teriniń ınfektsııalyq aýrýlarymen (qyshyma, mıkoz aýrýlary jáne basqalar) aýyratyndar;

- ІІ jáne ІІІ dárejeli anemııamen syrqattanǵandar.

Aıta keteıik, qoldanystaǵy talap boıynsha atalǵan dıagnozdar sanatorıı jáne kýrorttyq em alýǵa qarsy kórsetilim retinde sanalmaıdy.

Buıyryqty ashyq talqylaý 5 sáýirge deıin jalǵasady.