Qandaı aýrýǵa qatysty áskerge shaqyrylǵandar bosatylady

ALMATY. QazAqparat- Álsiz jáne orta dárejeli oftalmologııalyq aýrýlary bar azamattar áskerge shaqyrylýshylar qyzmetten shettetilmeıdi.Bul týraly Almaty qalasy Qorǵanys isteri departamentiniń medıtsınalyq qyzmet basshysy Qanybek Manapov aıtty, dep habarlaıdy QazAqparat tilshisi.

«Álsiz jáne orta dárejeli oftalmologııalyq aýrýlar bolǵan kezde áskerge shaqyrylýshylar qyzmetten shettetilmeıdi. Áskerge shaqyrylýshy áskerı qyzmetten bosatýdy kózdiń aýyr aýrýlary bolǵan jaǵdaıda ǵana ala alady», - deıdi ol.

Qanybek Manapovtyń aıtýynsha, árbir aýdandyq áskerı komıssarıatta jáne qalalyq jınaý pýnktinde medıtsınalyq komıssııa quramynda psıhıatrlar men narkologtar bar.

«Psıhıatr dárigerler áskerge shaqyrylǵandarmen sóılesip, tekseredi. Sodan keıin maman áskerge shaqyrylǵannyń jaramdylyǵy nemese jaramaıtyny týraly qorytyndy shyǵarady. Sondaı - aq qalalyq jınaý pýnktinde Damumed derekter bazasynda halyqaralyq medıtsınalyq aqparattyq júıe qosylǵan. Qalalyq jınalý pýnktine kelgen barlyq áskerge shaqyrylýshy medıtsınalyq komıssııa bastalar aldynda osy baza arqyly tekseriledi. Osylaısha, dárigerler dıspanserlik esepte turǵandardy, kimde qandaı sozylmaly aýrýlar bar ekenin jáne taǵy basqasyn anyqtaıdy», - dedi spıker.

Buǵan deıin megapolıste kóktemgi áskerge shaqyrý naýqany aıaqtalǵany týraly jazǵan edik.