Qandastarymyz Qanat Islamǵa shapan jaýyp, temir tulpar mingizdi (FOTO)
ASTANA. QazAqparat - Keshe Almatyda qandastarymyz Qanat Islamnyń qurmetine dastarhan jaıyp, toı jasady. Bul týraly Berik Sultanuly Feısbýktaǵy jeke paraqshasynda habarlady.
Qanat Islamnyń aǵaıyn-týystary men aýyldastary aq tilegin aıtyp, dýaly aýyz aqsaqaldar batasyn berdi. Toı sońynda jerlesteri batyrǵa shapan jaýyp, temir tulpar syılady.
«Meniń maqsatym bokstan dúnıe tabý emes. Amerıkaǵa ketýimniń basty sebebi - qazaqtyń atyn shyǵaryp, belgili bir dárejege jetý. Bizdiń ultqa qazir kók týdy jelbiretip, namysty taptatpaıtyn azamattar kerek. Maǵan dúnıeden buryn jeńis qymbat. El abyroıy mańyzdy!» - deıdi Qanat Islam.
