Qandastarymyz qar músinderi halyqaralyq baıqaýynda júldeli orynǵa ıe boldy
Qytaıdyń Harbın qalasynda ótken Qytaı - Harbın halyqaralyq qardan jasalǵan úzdik músinderdiń baıqaýynda Altaı komandasy «Áıel. Ómir» dep atalatyn týyndysymen 3-oryndy enshiledi. Bul týraly Qytaıdyń ukilialtay aqparattyń portaly jazdy, dep habarlaıdy Kazinform.
Bul baıqaýǵa Reseı, Kanada, Ispanııa, Ońtústik Koreıa, Úndistan jáne Mońǵolııa qatarly 12 elden barlyǵy 29 komanda qatysty. Júzden astam qardan músin jasaýshy sheberler tórt kúndik fılosofııalyq kontseptsııalar, ulttyq mádenıet, gýmanıstik ádet-ǵuryp, aımaqtyq erekshelikter jáne t.b. negizdelgen kórkem shyǵarmashylyq qardan jasalǵan músindik jumystaryn usyndy. Bas júldeni Ońtústik Koreıadan kelgen komanda jeńip aldy.
Qytaılyq BAQ-tyń keltirgen deregine súıensek, Qytaıdyń Harbın halyqaralyq qar músinderi baıqaýynyń negizi 1996 jyly qalanǵan. Bul Harbın halyqaralyq muz jáne qar festıvaliniń mańyzdy sharalarynyń biri, sonymen qatar álemdegi eń úlken jáne eń yqpaldy muz ben qar músinderiniń baıqaýy bolyp sanalady. Atalǵan baıqaý qazirge deıin 26 ret ótkizilgen.
Baıqaýǵa qatysqan Altaı komandasy quramynda ıÝan Venıý, Jumajan Beshenuly, Serik Batyń, Bádelhan Janimhan sııaqty tórt adam bar.
Komandanyń bas músinshisi Jumajan Beshenuly Qytaıdyń Altaı aımaǵy Shińgil aýdanynda dúnıege kelgen kásibı sýretshi. Shyńjań pedagogıkalyq ýnıversıtetiniń Beıneleý óneri ınstıtýtynyń beıneleý óneri mamandyǵy boıynsha bitirgen. Shyńjań jáne Altaı sýretshiler odaǵynyń múshesi.
Vıdeo: mp.weixin.qq.com