Qandastarǵa aqyl-keńes beretin baılanys ortalyǵyna 2587 ótinish kelip túsken
Dúnıejúzi qazaqtarynyń V quryltaıynda Elbasy búginde álemniń 40-qa jýyq elinde qandastarymyz turaqty turyp jatqanyn atap ótken bolatyn. ıAǵnı, onda etnıkalyq qazaqtardy tek kóshirip alý máselesin ǵana qarastyrmaı, olardyń áleýetin turǵylyqty jerinde qaldyra otyryp paıdalaný múmkindigin qarastyrýdy, shetelde turatyn etnıkalyq qazaqtarmen baılanysty kúsheıtýdi, Dúnıejúzi qazaqtarynyń qaýymdastyǵyna olardyń turǵylyqty jerinde mádenı ortalyqtar qurýyna yqpal jasaýdy, sheteldegi bilikti mamandar men jetistikke jetken azamattardy elge tartý jáne olardyń elektrondy derekqoryn jasaýdy, joǵary bilikti etnıkalyq qazaqtarǵa ýaqytsha jumysqa kelý múmkindigin qarastyrýdy tapsyrdy.
Sonymen qatar qandastarǵa baılanysty barlyq suraqtardy ákimshilikter men mınıstrlikter birlese otyryp sheshedi. Olarǵa jan-jaqty qoldaý men kómek berilip, jumystaryn júıeli ári qaraı qarqyndy júrgizý úshin 2018 jyly Dúnıejúzi qazaqtarynyń qaýymdastyǵymen birlese jumys isteıtin «Otandastar qory» kommertsııalyq emes aktsıonerlik qory quryldy.
Qazaqstan Respýblıkasy Úkimetiniń 2018 jyly 18-mamyr № 280 qaýlysymen «Sheteldegi qazaqtardy qoldaýdyń 2018-2022 jyldarǵa arnalǵan is-sharalar jospary» bekitildi. Onyń negizgi mindeti – tarıhı Otanyna birjolata qonys aýdarǵan qandastardyń jańa ortaǵa beıimdelýine quqyqtyq aqyl-keńes berý, turmys-tirshiligin ońdap, kásippen aınalysýyna kómektesý, sondaı-aq shetelderde turatyn qandastarǵa qoldaý kórsetý.
2019 jyly sáýir aıynda qandastarymyzǵa arnalǵan jobalardyń biri - baılanys ortalyǵy ashyldy.
«Otandastar qory» KeAQ pen «Qazaqtelekom» AQ arasynda jasalǵan áriptestik memorandým aıasynda álem elderindegi qandastarymyzǵa arnalǵan «Baılanys ortalyǵynyń» qyzmeti iske qosyldy. Bul - qandastar úshin asa qýanyshty ári jaǵymdy jańalyq boldy.
Memorandýmǵa sáıkes qos tarap arasyndaǵy seriktestik qatynas qalyptasyp, sol arqyly joba júzege asyrylýda. Baılanys ortalyqqa tehnıkalyq qoldaý kórsetý, «Qazaqtelekom» AQ seriktes retinde Baılanys ortalyǵynyń operatorlaryn usyný, jańa tehnologııalardy qoldanýmen qamtamasyz etý, qazaqstandyq uıaly operatorlar nomerlerinen aqysyz qońyraý shalýǵa múmkindik berdi. «Baılanys ortalyǵy» qandastarǵa qoldaý kórsetýdiń is júzindegi áreketterin dáleldeıtin taǵy da bir qadam boldy.
«Baılanys ortalyǵy» qyzmeti 1404 (uıaly qońyraýlar úshin), 8-800-080-1404 (Qazaqstan boıynsha qońyraýlar úshin), +7 (7172) 981404 (Qazaqstan jáne shetelden shalynatyn qońyraýlar úshin) nómirleri boıynsha qoljetimdi, sondaı-aq WhatsApp jáne Telegram messendjerleri, Skype qońyraýy arqyly qandastarymyz habarlasyp, týyndaǵan saýaldarynyń barlyǵyna jaýap ala alady.
Memleket tapsyrysymen baılanys ortalyǵy ıntegratsııalyq jáne beıimdeý qyzmetterin kórsetý boıynsha aqparat jınaý jáne taldaý, qoldanystaǵy zańnamany jetildirý, qandastarǵa kómek kórsetý jáne baǵdarlamalyq qujattardy ázirleý maqsatynda jıyrma myń suraq-jaýapty qamtıtyn kólemdi málimet bazasy quryldy.
Qandastarymyzǵa memlekettik qyzmetterdi usyný, «oralman» mártebesin jáne QR azamattyǵyn alý, áleýmettik tólemder men jeńildikter, memlekettik kómek, balabaqsha, mektep, joǵary oqý oryndaryna túsý týraly, sondaı-aq shetelden kóship kelýshilerdi jumyspen qamtý, qandastardy qabyldaýdyń óńirlik kvotasyna engizý máseleleri boıynsha túsken suraqtarǵa naqty aqparat pen keńes berilip jumys júıeli júrgizilýde.
«Baılanys ortalyǵy» týraly málimetti etnıkalyq qazaqtar turatyn 40-qa jýyq memlekettiń QR elshilikteriniń veb-saıttary men áleýmettik jelilerinde jarııalandy. Elimizde etnıkalyq qazaqtardyń qatysýymen ótetin sporttyq mádenı is-sharalar, otandastar bıznes forým konferentsııalary turaqty túrde habarlandyrylýda.
Sondaı-aq etnıkalyq qazaqtar jıi paıdalanatyn Instagram, Facebook jáne taǵy basqa áleýmettik jelilerde aqparat beriledi. Respýblıkanyń oblys, qala, aýdan deńgeıindegi 200-ge jýyq ákimdikke, 12 quzyrly mınıstrlikke arnaıy hat jiberildi.
Osy kúni baılanys ortalyǵynyń 1404 nómirine elge kóship kelgen qandastarymyzdan 2587 ótinish, WhatsApp, Telegram, Skype, komek@oq.gov.kz poshtasy arqyly 476 habarlama qabyldandy. Ótinishtiń barlyǵyna qajetti jaýap berildi.
Elimizde bolyp jatqan jańalyqtar men jetistikterdi iske asyrylyp jatqan kóshi-qon saıasatyn, onyń tetikterin syrtta júrgen qandas baýyrlarymyzǵa tolyqqandy jáne ýaqytynda jetkizý maqsatynda Qazaqstan elshilikteri arqyly belsendi aqparattandyrý jumystaryn júrgizip kelemiz.
