Qandastardyń basym bóligi qaı elden kóship keledi – komıtet esebi

ASTANA. QazAqpaat – Táýelsizdik jyldary Qazaqstanǵa 1 mln 113 myń qandas kóship keldi. Bul týraly QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Іlııas Ispanov aıtty, dep habarlaıdy QazAqparat.

«Táýelsizdik alǵan sátten beri elimizge 1 mln 113 myń qandas keldi. Olardyń jartysynan astamy, 559 myńy Ózbekstannan kelse, Qytaıdan – 358 myń, Túrikmenstannan – 76 myń, Mońǵolııadan – 57 myń, Aýǵanstannan – 13 myń, Reseıden – 17 myń qandas kelgen», - dedi komıtet basshysy «Otandastar qorynyń» qoǵamdyq komıssııasynyń otyrysynda.

Qandastardyń basym bóligi Almaty oblysyna qonystanǵan – 311 myń, Túrkistan oblysy men Shymkent qalasyna – 218 myń, Mańǵystaý oblysyna – 164 myń, Jambyl oblysyna – 93 myń, ShQO – 54 myń, Aqmola oblysyna – 48 myń qandas kóshken. Astana men Almaty qalalaryna sońǵy eki jylda Reseı Federatsııasynan qandastar kóptep kelgen.

Spıkerdiń aıtýynsha, qandastar qaı memleketten kóship kelse, sol elge jaqyndaý óńirlerge ornalasady.

«Qazaqstanǵa kelip-ketý statıstıkasyna kelsek, elimizge jylyna 7 mln sheteldik keledi jáne 7 mln sheteldik qaıta ketedi. Shetelge shyǵatyn qazaqstandyqtardyń sany shamalas – 6,9 mln adam shetelge shyǵady jáne qaıtyp keledi. Bul bizdiń aınalym», - dedi Іlııas Ispanov.

Áleýmettik kodekstegi «Ata joly» kartasy engizilgenin atap ótti. Onda qandastarǵa 10 jyldyq jeńildetilgen vıza rásimdep, Qazaqstanda óz kásibin júrgizýge múmkindik beriledi.