Qandastardy qabyldaýǵa arnalǵan óńirlik kvota sany artady
ASTANA. QazAqparat – Qandastar men qonys aýdarýshylardy qabyldaý kvotasynyń kólemi ózgerýi yqtımal, dep habarlaıdy QazAqparat tilshisi.
Ashyq NQA portalynda jarııalanǵan buıryqta jazylǵandaı, qandastar men qonys aýdarýshylarǵa arnalǵan kvota bylaı ózgeredi:
- qandastardy qabyldaýdyń 2023 jylǵa arnalǵan óńirlik kvota sany 2 287 adam (buryn 1 925 adam);
- qonys aýdarýshylardy qabyldaýdyń 2023 jylǵa arnalǵan óńirlik kvota sany 6 592 adam (buryn 6 727 adam).
«Atalǵan jobany qabyldaýdyń maqsaty – jergilikti atqarýshy organdarynyń qajettiligine baılanysty qandastar men qonys aýdarýshylardy qabyldaýdyń 2023 jylǵa arnalǵan óńirlik kvotasyn qaıta bólý. Buıryq jobasyn qabyldaý teris áleýmettik-ekonomıkalyq jáne/nemese quqyqtyq saldarǵa ákep soqpaıdy», - dep túsindirme berilgen Eńbek jáne halyqty áleýmettik qorǵaý vıtse-mınıstriniń buıryq-jobasyna.
Qujat 15 qyrkúıekke deıin kópshilik talqylaýda bolady.
Qosa ketsek, 16 tamyzdaǵy jaǵdaıǵa sáıkes, qandastardy qabyldaý kvotasy 87%-ǵa, qonys aýdarýshylardy qabyldaý boıynsha 58%-ǵa oryndaldy.
