Qandastar qonystaný óńirinde mindetti túrde jumysqa ornalasýy tıis — buıryq jobasy
ASTANA. KAZINFORM — Eńbek jáne halyqty áleýmettik qorǵaý mınıstrligi jumys kúshiniń utqyrlyǵyn arttyrý úshin adamdardyń erikti túrde qonys aýdarý qaǵıdalaryna ózgerister engizbek.
Ashyq normatıvtik-quqyqtyq aktiler portalynda jarııalanǵan buıryq jobasy qonys aýdarý baǵdarlamalaryn iske asyrýdyń tıimdiligin arttyrýǵa jáne azamattardy qonystandyrý óńirlerinde bekitýdiń qajettiligine baılanysty ázirlengen. Qaǵıdalarǵa qonys aýdarýshynyń nemese qandastyń jańa turǵylyqty jerinde jumysqa ornalasýy bóliginde ózgerister engiziledi.
Vedomstvo málimetinshe, resmı jumysqa ornalasýdyń bolmaýy azamattardyń óńirlerde bekitilý deńgeıin tómendetedi. Qaıta kóshýge yqpal etedi jáne jergilikti bıýdjetterge túsetin júktemeni arttyrady.
— Osyǵan baılanysty qonystaný óńirinde mindetti túrde jumysqa ornalasý talabyn belgileý, sondaı-aq jumyspen qamtylǵandyǵy faktisin áleýmettik aýdarymdardy júzege asyrý arqyly rastaý kózdeledi, — dep túsindiredi mınıstrlikten.
Buǵan deıin jyl basynan beri 3,3 myńǵa jýyq etnıkalyq qazaq qandas mártebesin alǵanyn jazǵan edik.
