Kandagarda bes júzge tarta tutqyn túrmeden qashyp ketti
ASTANA. 25 sáýir. QazAqparat - Aýǵanstannyń Kandagar qalasyndaǵy túrmeden 476 tutqyn qashyp ketti, dep habarlaıdy Agence France-Presse dúısenbi, 25 sáýir kúni, atalǵan túzeý mekemesiniń bastyǵyna silteme jasap.
Tutqyndar qashýǵa aldyn ala daıyndalyp, uzyndyǵy 350 metrdeı tonnel qazǵan. Sol arqyly túrmeniń aýmaǵyn tastap, qashyp shyqqan deıdi mekeme basshylary. Basqa málimetter ázirge naqty jarııalanbaı otyr. Qashý josparynyń aldyn ala jan-jaqty oılastyrylyp, jaqsy daıyndalǵandyǵyn jergilikti polıtsııa da rastap otyr, dep jazady Life News.
