Qanat Slámniń nokaýty Astana Arlans komandasyn jeńilisten qutqara almady
TANA. 14 qarasha. QazAqparat - Astana Arlans qazaqstandyq komandasynyń boksshylary Bokstyń Dúnıejúzilik serııasyndaǵy (WSB) alǵashqy kezdesýin AQSh-ta «Los Angeles Matadors» (AQSh) komandasyna qarsy ótkizip, 2:3 esebimen jol berdi, dep habarlaıdy jarystyń resmı saıty.
Qazaqstandyqtardyń sapynan 54 kg deıingi salmaq dárejesinde óner kórsetken Habıbýlla Ismaılov-Ahýnov óziniń qarsylasy Rashı Ýorrennen jeńilis tapsa, 61 kg deıingi salmaqta Ádilet Egizbekov amerıkalyq boksshy Erık Faýlerden basym tústi.
73 kg deıingi salmaqta sharshy alańǵa shyqqan otandasymyz Qanat Slám jekpe-jek barysynda Rassel Lamýrdy nokaýtqa jiberip, Astana Arlandaryn alǵa súıregen bolatyn. Alaıda qazaqstandyq komandanyń boksshylary Ramjon Ahmedov pen Dosjan Ospanov qarsylastary Vıacheslav Shabranskıı men Haver Torrestiń aldynda tize búkti.
Astana Arlans komandasy WSB aıasyndaǵy kelesi kezdesýin 18 qarasha kúni Astanada Milano Thunder boksshylaryna qarsy ótkizedi. Olar óz kezeginde alǵashqy matchtarynda úndistandyq Mumbai Fighters komandasynan basym túsken edi.
