Qanat Sharlapaev taǵy bir laýazymynan bosatyldy
ASTANA. KAZINFORM — «Samuryq-Qazyna» ulttyq ál-aýqat qory» AQ Dırektorlar keńesiniń quramy ózgerdi.
- «Samuryq-Qazyna» ulttyq ál – aýqat qory» AQ jalǵyz aktsıoneriniń 2025 jyldyń 25 qyrkúıegindegi sheshimimen Qanat Sharlapaev qoǵamnyń Dırektorlar keńesiniń quramynan shyǵaryldy, - delingen KASE aqparatynda.
Engizilgen ózgeristi eskere otyryp, «Samuryq-Qazyna» qory Dırektorlar keńesi alty adamnan turady. Olardyń qatarynda Úkimet basshysy Oljas Bektenov, «Samuryq-Qazyna» AQ basqarma tóraǵasy Nurlan Jaqypov, sondaı-aq Bolat Jámishev bar.
Atap aıtqanda, Qanat Sharlapaev qoǵamnyń dırektorlar keńesiniń múshesi bolyp 2025 jyldyń 12 sáýirde saılanǵan edi.
Eske salsaq, jaqynda ol Prezıdenttiń ekonomıkalyq máseleler jónindegi kómekshisi laýazymynan bosatyldy.
