Qanat Sharlapaev – Qazaqstannyń regbı federatsııasynyń jańa tóraǵasy

ASTANA. KAZINFORM — 2025 jyldyń 25 qańtarynda QR Ónerkásip jáne qurylys mınıstri Qanat Sharlapaev «QAZAQSTAN RUGBY» Zańdy Tulǵalar Birlestiginiń prezıdenti bolyp saılandy.

Federatsııa jastar regbıin damytý, áıelder komandalaryna qoldaý kórsetý, sportty tanymal etý jáne ınfraqurylymdy qurýdy josparlap otyr. 

Aıta keteıik, regbıden Qazaqstan áıelder quramasy álemdik reıtıngide 19-orynǵa jaıǵasqan. Atalǵan qurama halyqaralyq týrnırlerde sátti óner kórsetip, úzdikter qatarynan kórinip júr. 

Eske sala keteıik, buǵan deıin álem chempıony Mereı Aqshalov Qazaqstan boks federatsııasynyń bas hatshysy bolǵanyn habarlaǵan edik.