Qanat Sharlapaev: Bıyl eńbek demalysyna shyqpaımyn

ASTANA. KAZINFORM – Úkimet otyrysynda Ónerkásip jáne qurylys mınıstri Qanat Sharlapaevqa eńbek demalysyn qaı elde ótkizetini týraly suraq qoıyldy.

«Búgin otandyq taýar óndirýshiler men qyzmet kórsetýshilerdi qoldaý máselesin qarap jatyrsyzdar. Osyǵan baılanysty suraıyn degenim, bıyl jazda qaı eldi demaldyńyz?» - dep surady jýrnalıst.

Mınıstr áli eńbek demalysyna shyqpaǵanyn aıtty.

«Mende eshqandaı demalys bolǵan joq. Qazir tasqynnan zardap shekken turǵyndardyń úılerin qalpyna keltirý, olardy baspanamen qamtamasyz etý úshin óńirlerge kóp baryp júrmin. Sonymen osy jazda mende eshqandaı demalys bolǵan joq. Jyl aıaǵyna deıin eshqandaı demalys bolmaıdy», - dedi Qanat Sharlapaev.