Qanat Shaǵyrov «Afrıka» rallıiniń 7-shi kezeńinen keıin taǵy da alǵa shyqty (FOTO)
ASTANA. QazAqparat - Jol talǵamaıtyn avtomobılder jarysynda Qanat Shaǵyrov 7-shi kezeńnen keıin kósh bastady.
Qazaqstandyq shabandoz arnaıy ýchaskeniń máresinde ekinshi jáne úshinshi oryndarǵa shyqqan Jeremı Shýaso men reseılik Anton Grıgorovty basyp ozdy, dep habarlady motorsport.com.
«Mavrıtanııadaǵy Africa Eco Race rallıiniń 7-shi arnaıy ýchaskesinen keıin Qanat Shaǵyrov kóshbasshylyǵyn nyǵaıta tústi. Onyń ekıpajy aralyq ýchaskede júk mashınalary, mototsıklder, sýperprodakshen jáne t.b. arasynda absolıýttik birinshi orynǵa shyqty!!!», - dep jazdy Feısbýktegi jeke paraqshasynda Mobilexracing komandasy.
Shaǵyrov avtomobılder arasynda kóshbasshylyqty saqtaı otyryp, eń jaqyn básekelesin 54 mınýtqa keıinge qaldyrdy.
«Aldyn ala málimetter boıynsha, Qanat Shaǵyrov pen Vıtalıı Evtehovtyń ekıpajy 7-shi kezeńdegi sózsiz kóshbasshy. ıÝrıı Sazonov pen Alekseı Kýzmıchtiń ekıpajy ókinishke oraı bir saty tómen túsip, jalpy esepte 7-shi orynǵa shyqty. Quttyqtaımyz!!! Jarys áli aıaqtalǵan joq, qalǵan shabandozdarymyzdy kútemiz!», - dep jazdy komanda Feısbýkte.
