Qanat Saýdabaev Norvegııa Koroldiginiń eks-premer-mınıstrimen kezdesti
ASTANA. Mamyrdyń 11-i. QazAqparat. Búgin Astanada EQYU is basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev bizdiń elimizge bitimgershilik qyzmeti salasyndaǵy yntymaqtastyqty nyǵaıtýǵa jáne elimizdiń EQYU-da tóraǵalyǵyn talqylaýǵa kelgen Beıbitshilik pen adam quqyqtary ortalyǵynyń prezıdenti (Oslo qalasy), Norvegııa Koroldiginiń eks-premer-mınıstri Kel Magne Bondevıkpen kezdesýin ótkizdi,
dep habarlaıdy SІM baspasóz qyzmeti.
K.M. Bondevık Qazaqstannyń el ishindegi ultaralyq jáne dinaralyq tatýlyqty nyǵaıtý salasyndaǵy jáne halyqaralyq deńgeıdegi ustanymdylyq prıntsıpterin júrgizýdegi úlesine joǵary baǵa berdi. Norvegııalyq saıasatker sáýir aıynda Vashıngtonda ıadrolyq qaýipsizdik sammıti kezinde naqty aıtylǵan, Qazaqstannyń jáne Elbasy N. Nazarbaevtyń ıadrolyq qarýsyzdaný men halyqaralyq qaýipsizdikti nyǵaıtýdaǵy úlesin erekshe atap ótti.
Kezdesý barysynda Qazaqstannyń EQYU-ny basqarý sekildi jaýapty mıssııasyn atqarýdaǵy tıimdi jáne pragmatıkalyq jumystary ataldy. Áńgimelesýshi taraptar Qazaqstan barlyq úsh ólshem teńdigin qamtamasyz etý - áskerı-saıası, ekonomıkalyq-ekologııalyq jáne gýmanıtarlyq - ustanymyn EQYU qyzmetinde ustanatyndyǵyn aıtty. Aldaǵy ýaqytta EQYU jaýapkershilik aımaǵyndaǵy qaýipsizdik pen yntymaqtastyqty nyǵaıtýdaǵy mańyzdy shara Prezıdent N. Nazarbaevtyń bastaýymen osy jyly uıym sammıtin ótkizý bolýy múmkin.
Sonymen qatar, Qazaqstannyń gýmanıtarlyq ólshemdegi aıtarlyqtaı sharalardy qolǵa alyp, júzege asyrýy tóraǵalyq kezeńinde respýblıkanyń EQYU-nyń naqty osy salasyna jańa serpilis berýge baǵyttalǵanyn ańǵartady. Atap aıtqanda, kelesi is-sharalardy qarastyrýǵa bolady: EQYU mańyzdy qujattarynyń biri - Kopengagen qujatynyń 20 jyldyǵyna oraı Danııa astanasynda maýsym aıynda konferentsııa josparlanýda jáne Astanada EQYU-nyń Tózimdilik pen kemsitpeýshilik jónindegi joǵary deńgeıdegi konferentsııasy.
Osy oraıda Q. Saýdabaev pen K.M. Bondevık EQYU sheńberinde adam quqyqyǵyn damytý salasyndaǵy yntymaqtastyqty ári qaraı nyǵaıtý máselesin talqylady.
