Qanat Saýdabaev Almatyda mádenıet pen óner, bilim men densaýlyq saqtaý jáne óndiris salasynyń ókilderine memlekettik nagradalardy tabys etti

 dep habarlaıdy QazAqparat.

         Olardyń arasynda QazUÝ professory    Sultan Sartaev (ІІ dárejeli "Barys" ordeni),     sýretshi Úki Ájıev, teatr ártisi Farıda Sháripova, jazýshy Sherıazdan Eleýkenov, teatr rejısseri  Nurqanat Jaqypbaı ("Parasat" ordeni),     jazýshy Anatolıı Kım,  teatr ártisi Sergeı Ýfımtsev ( ІІ dárejeli "Dostyq" ordeni),  jazýshy Sátimjan Sanbaev,  teatr rejısseri Ǵafız Esimov, kınorejısserler Ermek Shynarbaev pen Bolat Qalymbetov ("Qurmet" ordeni) ,  tiltanýshy Ábdýáli Qaıdar, aqyn Marfýǵa Aıtqojına, teatr ártisi Darııa Júsip ("Qazaqstannyń eńbek sińirgen qaıratkeri" ataǵy) jáne taǵy basqa  da  el azamattary bar.   Elbasynyń Jarlyǵynda bul memlekettik nagradalardyń  memlekettik, qoǵamdyq qyzmettegi eńbegi, elimizdiń ekonomıkalyq, áleýmettik, mádenı damýyna, halyqtar arasyndaǵy dostyq pen yntymaqtastyqty  nyǵaıtýǵa qosqan eleýli úlesteri úshin berilgeni atap kórsetilgen. Marapattaý rásiminde  Elbasy sálemin jetkizgen Memlekettik hatshy - Syrtqy ister mınıstri Qanat Saýdabaev sanaýly kúnnen keıin Qazaqstannyń EQYU-na tóraǵalyq  qyzmeti bastalatynyn eske túsirdi. Onyń aıtýynsha,  EQYU elderi Syrtqy ister mınıstrleriniń Afınyda ótken keńesine qatysýshy 55 eldiń ókili biraýyzdan Qazaqstan Prezıdentiniń 2010 jyly EQYU sammıtin ótkizý týraly ıdeıasyna qoldaý bildirgen.