Qanat Saýdabaev AQSh Memlekettik hatshysynyń Ońtústik jáne Ortalyq Azııa jónindegi orynbasary Robert Bleıkpen kezdesti

dep habarlaıdy QazAqparat.

«Bizdiń kezdesýimiz óte nátıjeli boldy dep esepteımin. Kezdesýde biz AQSh pen Qazaqstan arasyndaǵy qarym-qatynastardyń jaıyn sóz ettik. Biz eki el arasyndaǵy baılanystardyń bolashaǵy zor dep bilemiz. AQSh Qazaqstan basshylyǵyna Aýǵanstandaǵy jaǵdaıdy turaqtandyrý isine qosyp otyrǵan úlesi úshin rızashylyǵyn bildiredi. Qazaqstan sonymen qatar ıadrolyq qarýdy taratpaý jóninen de AQSh-tyń jaqsy áriptesi bolyp tabylady. Men sonymen qatar Memlekettik hatshyǵa Qazaqstan Prezıdenti Nursultan Nazarbaevtyń jahandyq qaýipsizdik sammıtine qatysý úshin kelesi jyldyń sáýir aıynda AQSh-qa sapar shegýi qajettigin aıttym. Atalmysh jıynǵa Qazaqstannan basqa da birneshe memlekettiń basshysy qatysady. Barak Obama Qazaqstan Prezıdentin rızashylyqpen qarsy alady», dedi AQSh ókili kezdesýden soń  jýrnalısterge bergen suhbatynda.

Sondaı-aq ol sózinde Qazaqstannyń Eýropadaǵy qaýipsizdik pen yntymaqtastyq uıymyna tóraǵalyǵyna baılanysty da tyǵyz qarym-qatynasta jumys istep jatqandyǵyn atap kórsetti. «Qoryta aıtqanda, biz óte keń aýqymdy máseleler boıynsha birlesip jumys isteýdemiz. Biz qarym-qatynastarymyzdyń bolashaǵyna zor úmitpen qaraımyz», dedi Robert Bleık.