Qanat pen Aıtkúl Qudaıbergenovterdiń sahna tórinde júrgenine 40 jyl
TALDYQORǴAN. QazAqparat - QR eńbek sińirgen ártisteri Qanat pen Aıtkúl Qudaıbergenovterdiń sahnada óner kórsetip júrgenine 40 jyl toldy, dep habarlaıdy «QazAqparat» HAA tilshisi.
Kıeli dombyrany qolǵa alyp, alǵashqylardyń biri bolyp dýet qurǵan jup Jetisýdyń tóri Taldyqorǵanda arnaıy kontsert berdi. Mereıtoılyq keshke halyq kóp jınaldy. Kontsertte "Ágýgaı, dombyra", "Syrǵalym", "Kózińnen aınalaıyn", "Jelbir jeken", "Janaı sylqym" syndy halyqtyń súıip tyńdaıtyn ánderi oryndaldy.
Ónerde de, ómirde de juptary jazylmaǵan ónerpazdar áýleti 1988 jyldan bastap Súıinbaı atyndaǵy Almaty oblystyq fılarmonııasynda eńbek etip keledi. Dástúrli ónerdi keńinen nasıhattap júrgen otbasy Taldyqorǵan qalasynda turady. Tórt balasy da ata-anasynyń izin basyp keledi. Máselen, Aıbol kúıshi, ánshi, ári sazger. Al Erbol sherter aspabynda oınaıdy. Erbolat halyqqa tanymal estrada juldyzy. Saltanat qyzdary án aıtýmen qatar, aktrısalyq ónerin de qatar alyp júr.
Aıta ketý kerek, Qanat Qudaıbergenov Almaty oblysy Raıymbek aýdany Narynqol aýylynan. Al jary Aıtkúl Shyǵys Qazaqstan oblysynda dúnıege kelgen. Erli-zaıyptylar óner naǵashylarynan darydy deıdi.
