Qanat Mýsın: Atqarýshylyq is sany jylyna 1 mln-nan astam qujatqa ósýde

NUR-SULTAN. QazAqparat – Elimizde atqarýshylyq is sany jylyna 1 mln-nan astam qujatqa ósýde. Bul týraly búgin Májilistegi Úkimet saǵatynda Ádilet mınıstri Qanat Mýsın aıtty, dep habarlaıdy QazAqparat tilshisi.

«Jyl saıyn atqarýshylyq is sany 1 mln-nan astam qujatqa ósýi baıqalady. Tıisinshe sot oryndaýshylarynyń júktemesi artyp keledi. Sot aktilerin oryndaý - eń problemalyq jumys. Sot oryndaýshylarynyń áreketterine shaǵymdardyń sany tómendemeı, buzýshylyqtardyń sany da ósýde. Bul ákimshilik ádilet júıesin engizýdi aıqyn kórsetti. Talap-aryzdardyń jartysy - sot oryndaýshylarynyń áreketterin daýlaý týraly. Kóp jaǵdaıda sottar olardy negizdelgen dep tanıdy», - dedi Qanat Mýsın.

Onyń atap ótýinshe, bul jaǵdaıdyń sýbektıvti jáne obektıvti sebepteri de bar.

«Sot oryndaýshylarynyń kópshiligi óz densaýlyqtaryn, keıde ókinishke oraı ómirlerin aıamaıtyn adal jáne eńbekqor qyzmetkerler. Biz olardy qoldadyq ta jáne qoldaımyz», - dedi mınıstr.