Qanat Islamnyń WBO reıtıngindegi kórsetkishi jaqsardy

NUR-SULTAN. QazAqparat – Búkilálemdik boks uıymy (WBO) barlyq salmaq dárejesi boıynsha reıtıngtiń jańartylǵan nusqasyn jarııalady, dep habarlaıdy QazAqparat Sports.kz-ke silteme jasap.

Ortaq salmaq rangi týraly kestede WBO International tıtýlynyń ıegeri, qazaqstandyq boksshy Qanat Islam besinshi orynnan tórtinshige kóterildi.

Úzdik úshtikke meksıkalyq Haıme Mýngııa, brıtandyq Lıam Ýılıams pen ırlandııalyq boksshy Lıýk Kıler kirip tur. Orta salmaqtaǵy WBO Álem chempıony – AQSh boksshysy Demetrıýs Andrade.

Aıta keteıik, Qanat Islam 26 qazanda Almaty qalasynda namıbııalyq Ýolter Kaýtondokvýǵa qarsy jekpe-jek ótkizip, tóreshilerdiń biraýyzdy sheshimimen jeńiske jetti.