Qanat Islamnyń Nıý-Djersıdegi jekpe-jegi tikeleı efırden kórsetiledi
ASTANA.QazAqparat - «Qazaqstan» ulttyq arnasy kásipqoı boksta el namysyn abyroımen qorǵap júrgen otandasymyz Qanat Islamnyń jekpe-jegin tikeleı efırden kórsetedi, dep habarlaıdy QazAqparat tilshisi.
Qanat Islam kásipqoı bokstaǵy kelesi kezdesýin 17 aqpan kúni Nıý-Djersı shtatyndaǵy Nıýark qalasynda brazılııalyq Robson Assısqa qarsy ótkizedi. Roı Djonstyń qatysýymen ótetin keshte Islamdy 10 raýndtyq aıqas kútip tur.
Atalmysh keshti 18 aqpan kúni tańǵy saǵat 08:00-den bastap «Qazaqstan» ulttyq arnasy tikeleı efırde kórsetedi.
Aıta keteıik, brazılııalyq osy ýaqytqa deıin ótkizgen 19 kezdesýinde 3 ret jeńilip, 16-synda jeńiske jetken. 9 jekpe-jeginde qarsylasyn nokaýtpen utty. Ol kásipqoı bokstaǵy mansabyn 2006 jyly bastady.
Al Q.Islam kásipqoı bokstaǵy 23-shi kezdesýin ótkizgeli otyr. Sońǵy jekpe-jegin 29 qazan kúni Almatyda ótkizdi, ol tóreshilerdiń sheshimimen ganalyq Patrık Alloteıden basym túsken edi.
