Qanat Islamnyń kimmen judyryqtasatyny belgili boldy

NUR-SULTAN. QazAqparat – Qazaqstandyq orta salmaqtaǵy boksshy Qanat Islamnyń (28-0, 22 KO) kelesi qarsylasy kim bolatyny belgili boldy, dep habarlaıdy QazAqparat Sports.kz saıtyna silteme jasap.

«Qazaqtyń» rıngke oralýy 2022 jyldyń 21 qańtarynda AQSh-tyń Florıda shtatyna qarasty Plant-Sıtıde ótedi. Boksshynyń qarsylasy brıtandyq Djımmı Kellı (25-2, 10 KO) bolmaq.

Manchesterdiń 29 jastaǵy týmasy sońǵy jekpe-jegin ótkizgenine kóp ýaqyt ótken joq – 12 jeltoqsanda Ekklste úshinshi raýndta óz otandasy Garrı Mettıýsti

(16-50-3, 2 KO) nokaýtqa jiberdi.

2015 jyly Kellı WBO nusqasy boıynsha birinshi orta salmaqtaǵy álem chempıony tıtýly úshin onyń sol kezdegi ıegeri – Lıam Smıtpen judyryqtasty, alaıda sol kezde tehnıkalyq nokaýtpen jeńilip qalǵan bolatyn.

Qanat Islam sońǵy jekpe-jegin 20 aqpan kúni Maıamıde ótkizgen. Ekvadorlyq boksshy Djeıson Mındýmen(14-5-1, 8 KO) bolǵan jekpe-jektiń jetinshi raýndynda qarsylasyn tehnıkalyq nokaýtpen jeńgen.

Bul – qazaqstandyq boksshynyń 2019 jyldan beri rıngke birinshi shyǵýy edi.