Qanat Islamnyń kezekti qarsylasy reıtıng boıynsha ózinen 9 saty joǵary tur
ASTANA. QazAqparat - Birinshi orta salmaqta WBO Intercontinental jáne WBA Fedelatin belbeýleriniń ıegeri qazaqstandyq kásipqoı boksshy Qanat Islam (23-0,19KO) 26 mamyr kúni AQSh-tyń Florıda qalasynda kezekti jekpe-jegin ótkizedi.
boxrec.com saıty Qanattyń meksıkalyq Norberto Gonsaleske (23-8,13KO) qarsy jekpe-jeginiń deńgeıin 3 juldyzǵa baǵalady.
boxRec portalynyń álemdik reıtınginde Qanat birinshi orta salmaqta 55 upaımen 55-orynda tursa, Gonsales 59 upaımen 46-orynda tur. Al bul Qanattyń alǵashqy 3 juldyz deńgeıindegi jekpe-jegi bolmaq. 12 raýndqa josparlanǵan beldesýdiń jeńimpazy WBO tujyrymy boıynsha NABO jáne WBA tujyrymynyń aımaqtyq Intercontinatal belbeýin qanjyǵasyna baılaıtyn bolady. Sondaı-aq, boxRec reıtıngi joǵarlaıdy.
Aıta keteıik, birinshi orta salmaqta 1 798 kásipqoı boksshy óner kórsetedi. Gennadıı Golovkınnyń qarsylasy Saýl Alvares osy salmaqtyń álemdik reıtınginen kósh bastap tur, onyń enshisinde 1 358 upaı bar.
Buǵan deıin alty salmaq sanatynda ótetin boks keshine jartylaı orta salmaqtaǵy qazaqstandyq boksshy Janqosh Turarov (20-0, 14 KO) meksıkalyq Gýstavo Garıbaımen (13-8-2, 5 KO) judyryqtasatyny belgili boldy. Boks keshin «Qazaqstan» jáne «Kazsport» arnalary tikeleı efırde kórsetedi.
