Qanat Islamnyń kelesi jekpe-jektegi qarsylasy aýysyp ketti

ASTANA. QazAqparat – Orta salmaqtaǵy qazaqstandyq boksshy Qanat Islamnyń 7 qazan kúni Plant-Sıtıde (AQSh, Florıda shtaty) ótetin kezekti jekpe-jegindegi qarsylasy aýysty, dep habarlaıdy QazAqparat Sports.kz saıtyna silteme jasap.

«Qazaqtyń» qarsylasy Domınıkan Respýblıkasynyń ókili, 32 jastaǵy Edvard Ýlloa Dıas (13-3, 10 KO) bolady dep josparlanǵan edi. Endi BoxRec.com kórsetkendeı, 38 jastaǵy Qanatpen óziniń qurdasy, argentınalyq boksshy Haver Fransısko Montıel (34-17, 23 KO) judyryqtasady. Jekpe-jek segiz raýndqa josparlanǵan.

Qanat Islam úshin bul – bıyl ótkizetin ekinshi jekpe-jek bolmaq. Aldyńǵy kezdesýinde ol Djımmı Kellımen (26-3, 10 KO) bos turǵan WBO Global tıtýly úshin judyryqtasyp, tóreshilerdiń biraýyzdan qabyldaǵan sheshimmen jeńilip qaldy. Bul – Qanattyń mansabyndaǵy alǵashqy jeńilis boldy.

Montıelge kelsek, 19 tamyzda ol óz elinde otandasy Marselo Esteban Kosereske (31-5-1, 17 KO) qarsy jekpe-jek ótkizip, tehnıkalyq nokaýtpen jeńilip qalǵan.

Foto: sports.kz