Qanat Islamnyń kelesi jekpe-jegi tikeleı efırden kórsetiledi
ASTANA. QazAqparat - 27 mamyr kúni «Qazaqstan» men «Kazsport» arnalary Qanat Islam (23-0, 19KO) men Norberto Gonsalestiń (23-8, 13KO) jekpe-jegin tikeleı efırde kórsetedi, dep habarlaıdy QazAqparat tilshisi «Kazsport» arnasynyń resmı saıtyna silteme jasap.
«Bizdiń otandasymyz birinshi orta salmaqta WBO NABA jáne WBA Intercontinental tıtýly úshin aıqasady. Bul boks keshine ózge qazaqstandyq boksshy Janqosh Turarov ta qatysady. Onyń qarsylasy - meksıkalyq Gýstavo Garıbaı (13-8-2, 5KO). Qazir boksshylar Maıamıde ornalasqan jattyqtyrý bazasynda sheberlikterin shyńdaý ústinde. Taıaý kúnderi aldaǵy aıqas týraly baspasóz máslıhaty ótedi», - delingen telearnanyń habarlamasynda.
