Qanat Islamnyń kelesi jekpe jegi qashan ótetini belgili boldy
ALMATY. QazAqparat – Qazaqstandyq kásibı boksshy Qanat Islam óziniń kelesi jekpe-jeginiń qashan ótetinin aıtty, dep habarlaıdy QazAqparat tilshisi.
«Jaqynda biz jarystan soń Qazaq Promotions basshysymen birge Prezıdent Qasym-Jomart Toqaevtyń qabyldaýynda boldyq. Bul biz úshin úlken mártebe. Onyń qoldaýy bizdiń yntamyzdy arttyra túseri sózsiz. Bizdiń taýda júrgenimizge on kún boldy. Osynda jarysqa daıyndalyp jatyrmyz. Kele jekpe-jek 26 qazanǵa josparlandy. Oǵan jaýapkershilik te úlken. Osynda AQSh-tan meniń burynǵy promoýterim Nelson Lopes keldi. Sol kisiniń arqasynda men kásipqoı boksty bilip, tanydym. Amerıkada árdaıym qoldap júrdi. Almatyda baq synaǵymyz keledi. Maqsatymyz – elimizdi, ásem qalamyz ben onyń tabıǵatyn maqtanyshpen tanytý», - dedi boksshy YouTube-tegi Qazaq Promotion kanalynda jarııalanǵan vıdeoda.
Eske sala keteıik, Qanat Islam óziniń sońǵy jekpe-jegin 5 shildede Almatydaǵy Balýan Sholaq atyndaǵy sport saraıynda ótkizgen bolatyn. Onda ol alǵashqy raýndtyń 14 sekýndynda domınıkandyq Hýlıo de Hesýsany nokaýtqa túsirip, orta salmaqta WBO International belbeýin jeńip alǵan bolatyn.
