Qanat Islamnyń kelesi qarsylasy sońǵy jekpe-jekte shelekten «taıaq jep» qalǵan
ASTANA. QazAqparat - 9 qyrkúıek kúni Astanada ótetin boks keshinde qazaqstandyq boksshy Qanat Islam kanadalyq Brendon Kýkpen judyryqtasady, dep xabarlaıdy QazAqparat tilshisi.
Aıta ketken jón, Brendon Kýk (18-0, 15 KO) jekpe-jekterdiń basym bóligin týǵan jeri - Ontarıoda ótkizgen. Sońǵy ret ol óziniń jerlesi - Stıven Batlermen kezdesken edi. Sol jekpe-jekte Batler texnıkalyq nokaýtpen jeńildi. Osylaısha, Kýk IBF tujyrymy boıynsha Soltústik Amerıkanyń chempıony atandy. Buǵan deıin onyń WBA-NABA belbeýi de bolǵan.
Dál osy jekpe-jekte jeńimpaz Kýk jaraqat aldy. Tóreshiniń texnıkalyq nokaýtqa qatysty sheshimimen kelispegen jankúıerler rıngke san alýan zattardy laqtyra bastady. Sol kezde bireýi muzǵa toly shelekti laqtyrdy. Ol týra Kýktyń basyna tıdi.
Aıta keteıik, buǵan deıin qazaqstandyq boksshy Qanat Islam amerıkalyq Djeıms Kırklendkeqarsy shyǵýdy josparlaǵan.
Endigi josparǵa sáıkes, Qanat Islamnyń kelesi qarsylasy kanadalyq Brendon Kýk bolady. Boks keshi kezinde osy ýaqytqa deıin birde-bir ret jeńilip kórmegen segiz qazaqstandyq boksshy judyryqtasady.
