Qanat Islamnyń kelesi qarsylasy ózgerdi
ASTANA. QazAqparat - Buǵan deıin WBO Intercontinental men WBA Fedelation belbeýleriniń ıegeri Qanat Islam Astanadaǵy jekpe-jegi kezinde amerıkalyq Djeıms Kırklendke qarsy shyǵady degen jospar bolǵan, dep xabarlaıdy QazAqparat tilshisi.
Sports.kz saıty taratqan málimetke sáıkes, 9 qyrkúıek kúni ótetin jekpe-jekte Qanat Islam birinshi orta salmaqtaǵy IBF men WBA-NABA boıynsha Soltústik Amerıkanyń chempıony Brendon Kýkpen kezdesedi. Atalǵan boksshy kásibı boksta 18 jekpe-jek ótkizip, 11-in nokaýtpen aıaqtaǵan.
Aıta keteıik, 21 maýsym kúni Astanada ótken baspasóz máslıxatynda Qanat Islam kelesi jekpe-jegin amerıkalyq boksshy Djeıms Kırklendke qarsy ótkizýdi josparlap otyrǵanyn málimdegen bolatyn. Alaıda sol kezde áli naqty kelisim bolmaǵan.
