Qanat Islamnyń kelesi qarsylasy - kolýmbııalyq Hýan de Anhel
ASTANA. QazAqparat - 2016 jyldyń 8 mamyrynda Maıamı qalasynda qazaqtyń kásibı boksshysy, birinshi orta salmaqta (69 keli) WBA Fedelatin jáne WBA FideCaribe nusqalary boıynsha álem chempıony Qanat Islam kolýmbııalyq boksshy - Hýan de Anhelmen aıqasatyn boldy.
Bul týraly Qanat Islamnyń menedjeri Juldyz Erik habarlap otyr.
«Qurmetti jankúıerler! Qanat aǵanyń qarsylasy anyqtaldy! Ol orta salmaqta óner kórsetip júrgen kolýmbııalyq boksshy - Hýan de Anxel. Osy ýaqytqa deıin 22 kezdesý (18-3-1) ótkizip, onyń 17-sin nokaýtpen jeńgen jigit. Laqap aty - La Amenaza (La Amenaza). Jasy 28-de. Jarysqa sanaýly kúnder qaldy! Jekpe-jek mamyrdyń 8-i, AQSh-tyń Maıamı qalasynda ótedi»,-dep habarlady J.Erik Qanat Islamnyń áleýmettik jelidegi resmı paraqshasynda.
Qanat Islam kásibı rıngte 20 jekpe-jek ótkizip, barlyǵynda jeńiske jetti, sonyń 17-in nokaýtpen aıaqtady. Boksshy birinshi orta salmaqta (69 keli) WBA Fedelatin jáne WBA FideCaribe nusqalary boıynsha álem chempıony.
